"გაიხსნას ქვეყანა", "მოიხსნას კოვიდრეგულაციები"- ამ მოთხოვნებით ქუთაისის მერიასთან აქცია გაიმართა.
მოქალაქეები და პოლიტიკური პარტიების წარმომადგენლები ქვეყანაში კორონავირუსის გავრცელების პრევენციის მიზნით დაწესებულ რეგულაციებს აპროტესტებენ.
მათი თქმით, თუ შეზღუდვები დროულად არ მოიხსნება, ეკონომიკა საბოლოდ განადგურდება.
აქციის მონაწილეებმა მერიასთან გალია მიიტანეს, რომელშიც სიმბოლურად ის სფეროები იყო მოთავსებული, რომელთა დროულ გახსნასაც მოითხოვენ.
"შევიკრიბეთ მერიასთან და ვითხოვთ, მოიხსნას შეზღუდვები. ეს რეგულაციები მძიმედ აისახება ეკონომიკაზე და შესაბამისად, თითოეულ მოქალაქეზე. მოვიტანეთ გალია, რომელიც სიმბოლურად არის მოთავსებული სხვადასხვა სფეროები, რომლებიც ხელისუფლებას ჩაკეტილი აქვს. ხელისუფლებას არ შეუძლია, პანდემიის მართვა და გამოსავალი ქვეყნის ჩაკეტვაში იპოვა", - აცხადებენ აქციის მონაწილეები.
იხილეთ ვიდეო:ქუთაისში კორონავირუსის გამო დაწესებული რეგულაციების მოხსნის მოთხოვნით აქცია გაიმართა