აჭარაში კორონავირუსი სამ პედაგოგს დაუდასტურდა. ისინი შუახევის მუნიციპალიტეტის სოფელ ცინარეთის საჯარო სკოლის მასწავლებლები არიან.
აჭარის განათლების, კულტურისა და სპორტის სამინისტროს ინფორმაციით, სკოლაში საკლასო ოთახში სწავლა ორ კვირაში განახლდება.
„სკოლაში 19 მოსწავლე სწავლობს. ისინი დისტანციურ რეჟიმში გაგრძელებენ სწავლას და საკლასო ოთახს ორ კვირაში დაუბრუნდებიან. სხვა მხრივ რეგიონში, სასწავლო პროცესი შეფერხების გარეშე მიმდინარეობს“, - აცხადებენ უწყებაში.