პარლამენტის ვიცე-სპიკერი დავით სერგეენკო "ქართულ ოცნებასა" და პარტია "მოქალაქეებს" შორის გაფორმებულ მემორანდუმს წინგადადგმულ ნაბიჯად აფასებს. აღნიშნული დოკუმენტის საფუძველზე, სერგეენკო იმედს გამოთქვამს, რომ ოპოზიციის ნაწილი ისარგებლებს შესაძლებლობით, რომ დებატები პარლამენტში გაიმართოს.
"ფაქტია, რომ გაერთიანებული ოპოზიცია ღირებულებით საფუძვლებზე არ იყო ჩამოყალიბებული, რადგან მათი მოსაზრებები მნიშვნელოვნად იყოფა. მემორანდუმი, რომლის საფუძველზეც პარლამენტში ორი ადამიანი შემოვიდა, ადასტურებს, რომ წინგადადგმული ნაბიჯია. ვფიქრობ, კიდევ იქნება საფუძველი, რომ საპარლამენტო მანდატების გამოყენების შესაძლებლობა სხვა დეპუტატებსაც მიეცეთ", - განუცხადა ჟურნალისტებს დავით სერგეენკომ.