გორში მაღაზიების და სავაჭრო ცენტრების მუშაობა დღეიდან აღდგა, თუმცა, აღნიშნულ ობიეტებს გარკვეული რეგულაციების დაცვით მოუწევთ მუშაობის გაგრძელება. გაზრდილი მობილობის თავიდან ასაცილებლად, გორსა და საქართველოს ოთხ სხვა ქალაქში - ბათუმში, ზუგდიდში, ფოთსა და თელავში, სავაჭრო ობიქტები შაბათ-კვირას არ იმუშავებს.
გორის მუნიციპალიტეტის საზოგადოებრივი ჯანდაცვის ცენტრის ხელმძღვანელის, მარი გიუნაშვილს განცხადებით, სავაჭრო ობიექტებზე დასაქმებულთა ტესტირებაც იგეგმება.
„სავაჭრო ობიექტებზე (მაღაზიები, სავაჭრო ცენტრები), სადაც დასაქმებულია 30-ზე მეტი თანამშრომელი, სავალდებულოა ყოველ ორ კვირაში ერთხელ ტესტირება სწრაფი ტესტის მეშვეობით. რაც შეეხება ღია ბაზრობებს, ფუნქციონირების განახლების შემდეგ, ბაზრობების თანამშრომელთა 20%-ის ტესტირება ყოველ მეთოთხმეტე დღეს უნდა მოხდეს. ამ ეტაპზე კი, ტესტირების პროცესს სხვა მიზნობრივ ჯგუფებში ვახორციელებთ. რაც შეეხება ბაზრობაზე დასაქმებულთა ტესირების პროცესს, ბაზრობების გახსნამდე 2-3 დღით ადრე დავიწყებთ,“ - აღნიშნა მარი გიუნაშვილმა.