საზოგადოებრივი მოძრაობა “მე მიყვარს ბათუმის" წევრები საკრებულოს თავმჯდომარეს მიმართავენ და "ამბასადორი ბათუმის" მშენებლობის შეჩერებას ითხოვენ

საზოგადოებრივი მოძრაობა “მე მიყვარს ბათუმის" წევრები ბათუმის საკრებულოს თავმჯდომარე სულიკო თებიძეს წერილობით მიმართავენ და ბულვარში "ამბასადორი ბათუმის" მშენებლობის შეჩერებას ითხოვენ.

როგორც ორგანიზაციის ხელმძღვანელი ალექსანდრე მილორავა აცხადებს, დაუყოვნებლივ უნდა ჩაინიშნოს საკრებულოს სხდომა და ეს საკითხი განიხილონ.

“29 იანვარს ბათუმის საკრებულოს თავმჯდომარე სულიკო თებიძემ განაცხადა, რომ "ამბასადორის" მშენებლობის მიმდებარე ტერიტორია არ ეკუთვნის ბულვარს.

შესაბამისად, აჭარის კულტურული მემკვიდრეობის დაცვის სააგენტოს არ ჰქონდა ლეგიტიმაცია გაეცა ნებართვა ამ მშენებლობაზე. აქედან გამომდინარე, ჩვენ მივმართეთ სულიკო თებიძეს, რომ მოიწვიოს საკრებულოს სხდომა, სადაც იქნება წარმოდგენილი მეორე მხარე, კულტურული მემკვიდრეობის დაცვის სააგენტოს ყველა წევრი და დირექტორი, მოხდეს, საჯარო განხილვა, ეს ტერიტორია ეკუთვნის ბათუმის მერიას თუ ბულვარს, რომელიც კულტურული მემკვიდრეობის ძეგლია.

ჩვენ უნდა გავერკვეთ აუცილებლად, გასცა თუ არა ლეგიტიმურმა დაწესებულებამ მშენებლობაზე ნებართვა. თუ ეს ასე არ არის, მაშინ საკრებულომ უნდა მიიღოს შესაბამისი ზომები იმისთვის, რომ გაჩერდეს ეს მშენებლობა და ჩაინიშნოს ნებართვის გაცემის ხელახალი განხილვა",- განაცხადა ალექსანდრე მილორავამ.

საკითხს აჭარის მთავრობის თავმჯდომარე თორნიკე რიჟვაძე გამოეხმაურა. მისი განცხადებით, კულტურული მემკვიდრეობის დაცვის სააგენტო ყველაზე ოპტიმალურ პროექტზე შეჯერდა.

''ერთხელ უკვე დავაფიქსირეთ ჩვენი პოზიცია, არცერთი მშენებლობა, მშენებლობის ნებართვის მიღმა არ განხორციელდება. რაც შეეხება კონკრეტულ პროექტს, შესაბამისმა საბჭომ იმსჯელა და ვფიქრობ, რომ ყველაზე ოპტიმალურ და მისაღებ პროექტზე შეჯერდა'' - განაცხადა თორნიკე რიჟვაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი