საპარლამენტო ოპოზიციური პარტია „ევროპელი სოციალისტები“ უერთდება პარლამენტის უმრავლესობასა და პარტია „მოქალაქეებს“ შორის გაფორმებულ მემორანდუმს, რომელიც საარჩევნო რეფორმასთან დაკავშირებული საკანონმდებლო პაკეტის შემუშავებისა და მიღების ვალდებულებას შეეხება. ამის შესახებ განცხადებას პარტია „ევროპელი სოციალისტები“ ავრცელებს.

მათი ცნობით, მემორანდუმს დღეს პარტიის თავმჯდომარემ ფრიდონ ინჯიამ მოაწერა ხელი.

„ევროპელი სოციალისტებისთვის“, როგორც პარლამენტის ოპოზიციური სუბიექტისთვის, მნიშვნელოვანია კონსტრუქციული თანამშრომლობა საპარლამენტო უმრავლესობასთან საარჩევნო კანონმდებლობის დახვეწისა და გაჯანსაღების კუთხით. მზად ვართ, მონაწილეობა მივიღოთ საარჩევნო რეფორმასთან დაკავშირებული საკანონმდებლო ცვლილებების შემუშავებაში, რაც ხელს შეუწყობს საარჩევნო გარემოს გაუმჯობესებას და მომავალი არჩევნების მაქსიმალურად კონკურენტულ გარემოში ჩატარებას“, - ნათქვამია განცხადებაში.