რელიგიის საკითხთა სახელმწიფო სააგენტო საქართველოს იეზიდ მოქალაქეებს ზამთრის ორმოცდღიანი მარხვის დასრულებას, ჩლე ზევესტანეს ულოცავს.

როგორც რელიგიის საკითხთა სახელმწიფო სააგენტოში აცხადებენ, მარხვას იეზიდი მორწმუნეები ლოცვასა და ღვთის თაყვანისცემაში ატარებენ.

“დღეს მსოფლიოს სხვადასხვა ქვეყანაში მცხოვრები იეზიდები ზამთრის ორმოცდღიანი მარხვის დასრულებას, ჩლე ზევესტანეს ზეიმობენ. მარხვას იეზიდი მორწმუნეები ლოცვასა და ღვთის თაყვანისცემაში ატარებენ, რათა ღმერთი ადამიანებს ზამთრის ორმოცი, ყველაზე მკაცრი დღის გადატანაში დაეხმაროს და ისინი კეთილდღეობითა და მშვიდობით დაჯილდოვდნენ.

რელიგიის საკითხთა სახელმწიფო სააგენტო ულოცავს საქართველოს იეზიდ მოქალაქეებს დღესასწაულს და წარმატებებსა და კეთილდღეობას უსურვებს მათ",-აღნიშნულია გავრცელებულ ინფორმაციაში.