“ევროპული საქართველოს” ყოფილი წევრი, დავით დარჩიაშვილი დავით გარეჯის საქმესთან დაკავშირებით გენერალურ პროკურატურაში დაიბარეს. როგორც „ინტერპრესნიუსს“ დავით დარჩიაშვილმა განუცხადა, საგამოძიებო უწყებაში 3 თებერვალს, 12:00 საათზე უნდა გამოცხადდეს.

„მიბარებენ პროკურატურაში გარეჯის საქმეზე. ვაპირებ ავუხსნა, რომ ესაა ვიშინსკის სტილის საქმე: აი, ძველ სპეცებს მრეწველობაში რომ საბოტაჟს აბრალებდნენ კომუნისტების შეკვეთით, ისეთი“, - წერს დარჩიაშვილი „ფეისბუქის“ საკუთარ გვერდზე.