ჯანმო-ს ხელმძღვანელი - მსოფლიოს მოსახლეობის უმრავლესობის ვაქცინაციის გარეშე დარჩენა ვირუსის ახალი მუტაციების წარმოშობას გამოიწვევს

კორონავირუსის ვაქცინის ნაციონალიზმი საზიანოა ყველასთვის, - ამის შესახებ ჯანდაცვის მსოფლიო ორგანიზაციის გენერალურმა დირექტორმა ტედროს ადჰანომ გებრეიესუსმა განაცხადა.

მისი თქმით, ქვეყნებს შორის არასაკმარისი თანამშრომლობა არის მთავარი ბარიერი იმისთვის, რომ მსოფლიოში ვაქცინაციამ იმ მასშტაბს მიაღწიოს, რომელიც კორონავირუსის პანდემიის დასრულებისთვის არის საჭირო.

”ვაქცინის ვარიანტების ზრდის მიუხედავად, ამჟამინდელი საწარმოო შესაძლებლობები მხოლოდ გლობალური მოთხოვნილების ნაწილს აკმაყოფილებს”, - წერს ჯანმო-ს ხელმძღვანელი ჟურნალ Foreign Policy-ში გამოქვეყნებულ სტატიაში.

მისი განმარტებით, თუკი მსოფლიოს მოსახლეობის უმეტესობა ვაქცინაციის გარეშე დარჩება, ეს ვირუსის ახალი მუტაციების გაჩენას შეუწყობს ხელს.

”მსოფლიოს მოსახლეობის უმრავლესობის ვაქცინაციის გარეშე დარჩენა არა მხოლოდ გაახანგრძლივებს დაავადებას, გარდაცვალების შემთხვევებს და მუდმივი „ლოქდაუნების“ შედეგად გამოწვეულ ტკივილს, არამედ ვირუსის ახალ მუტაციებს წარმოქმნის, რადგან კოვიდ-19 დაუცველ მოსახლეობებში გავრცელებას განაგრძობს”, - წერს ჯანმო-ს ხელმძღვანელი.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა