ნათია თურნავა საქართველოში უნგრეთის ელჩს ვიქტორია ჰორვატს შეხვდა. როგორც "ინტერპრესნიუსს" საქართველოს ეკონომიკისა და მდგრადი განვითარების სამინისტროდან აცნობეს, ნათია თურნავამ საქართველოში უნგრეთის ელჩთან ვიქტორია ჰორვატთან ორ ქვეყანას შორის ეკონომიკური თანამშრომლობის საკითხები განიხილა.

" შეხვედრაზე ნათია თურნავამ უნგრეთის ელჩს მიაწოდა ინფორმაცია საქართველოს მთავრობის ანტიკრიზისულ ქმედებებზე, რომლებიც მიმართულია როგორც მოქალაქეების ჯანმრთელობის, ისე ეკონომიკის ინტერესებისკენ.

საუბარი წარიმართა ქვეყნებს შორის საჰაერო გზით მიმოსვლისა აღდგენისა და ტურისტულ სფეროში თანამშრომლობის განახლების შესაძლებლობებზე.

ასევე განხილულ იქნა თანამშრომლობის პრიორიტეტული მიმართულებები ორმხრივი ვაჭრობის, ასევე ინვესტიციების ურთიერთმოზიდვის კუთხით", - აცხადებენ უწყებაში.