აჭარის მთავრობის სახლთან ოპოზიციური პარტიების მხარდამჭერები და აქტივისტები აქციას მართავენ. როგორც შეკრებილებმა განაცხადეს, ისინი მთავრობის სახლში შესვლას ითხოვენ. მათი თქმით, აჭარის მთავრობის თავმჯდომარე თორნიკე რიჟვაძეს შენობაში შესვლისა და გამოსვლის უფლებას არ მისცემენ.

ადგილზე სამართალდამცავები არიან მობილიზებული. აქციის მონაწილეების მთავარი მოთხოვნაა, ქვეყანაში ხელახალი საპარლამენტო არჩევნები ჩატარდეს.

ცნობისთვის, ოპოზიციის წევრები აჭარის მთავრობის სახლთან სამი თვეა უწყვეტ რეჟიმში აქციას მართავენ.