„ერთიანი საქართველოს“ ლიდერის ნინო ბურჯანაძის განცხადებით, „მოქალაქეების“ ლიდერი ალეკო ელისაშვილი პარლამენტში ბიძინა ივანიშვილმა შეიყვანა.
როგორც ბურჯანაძემ ტელეკომპანია „პალიტრანიუსის“ გადაცემა „360 გრადუსში“ განაცხადა, ივანიშვილი „მოქალაქეების“ ლიდერს ასევე ადგილობრივი თვითმმართველობის არჩევნებზე ეხმარებოდა.
"მე ზუსტად ვიცი! ეს ძალიან ნათლად ჩანდა ადგილობრივი თვითმმართველობის არჩევნებზეც და ახლაც ჩანს! არაა მძიმე ბრალდება, ყველა მისი მოქმედებიდან ასე ჩანს, მე ახლა სისხლის სამართლის დანაშაულში ხომ არ ვადანაშაულებ?! ვადანაშაულებ პოლიტიკურ ვაჭრობაში, რაც მისი ნაბიჯებიდან ჩანს!“, - განაცხადა ბურჯანაძემ.
„ერთიანი საქართველოს“ ლიდერმა ასევე აღნიშნა, რომ თეა წულუკიანმა ელისაშვილს „რაც ეკუთვნოდა, ზუსტად ის მიართვა“.
„თეა წულუკიანმა თავზე ლაფი კარგად დაასხა! რაც ეკუთვნოდა ზუსტად ის მიართვა. რატომ არ უპასუხა, ალეკო ელისაშვილმა წულუკიანს?! რატომ ვერ ამოიღო ხმა?!“, - განაცხადა ბურჯანაძემ.