ლანა გალდავა - "ლელო“ მოუწოდებს ხელისუფლებას, შეცვალოს არგაღიზიანების დანაშაულებრივი პოლიტიკა რუსეთის ფედერაციის მიმართ

,,ლელო საქართველოსთვის” მოუწოდებს საქართველოს ხელისუფლებას, შეცვალოს არგაღიზიანების დანაშაულებრივი პოლიტიკა რუსეთის ფედერაციის მიმართ, რომელსაც მხოლოდ ზიანი მოაქვს საქართველოს ეროვნული ინტერესებისთვის ტერიტორიული მთლიანობის და დეოკუპაციის მიმართულებით,-ამის შესახებ „ლელო საქართველოსთვის“ წევრმა ლანა გალდავამ განაცხადა.

მან საოკუპაციო ძალების მიერ საქართველოს მოქალაქე, ზაზა გახელაძისთვის 12 წლით და 6 თვით თავისუფლების აღკვეთა შეაფასა და აღნიშნა, რომ არა მხოლოდ საოკუპაციო ხაზებთან, საქართველოს მიერ კონტროლირებად ტერიტორიებზეც საშიში გახდა მოსახლეობის ყოველდღიური ყოფა-ცხოვრება.

„დღეს, ცხინვალის ,,დე ფაქტო” ხელისუფლების ,,სასამართლომ” ზაზა გახელაძეს 12 წლითა და 6 თვით თავისუფლების აღკვეთა მიუსაჯა, რასაც წინ უსწრებდა რუსეთის ფედერაციის საოკუპაციო ძალების მიერ ზაზა გახელაძის ავტომატური ცეცხლსასროლი იარაღიდან დაჭრა, უკანონო დაკავება და ციხის იზოლატორში გადაყვანა.

სწორედ ზემოაღნიშნულმა ზედაპირულმა და არასერიოზულმა დამოკიდებულებამ არაღიარების პოლიტიკისა და ,,ცეცხლის შეწყვეტის შესახებ ექსპუნქტიანი შეთანხმების” ყველა პუნქტის შესრულებისადმი, ქვეყანა მიიყვანა ისეთი ჩიხისკენ, როდესაც არათუ საოკუპაციო ხაზებთან, საქართველოს მიერ კონტროლირებად ტერიტორიებზეც კი საშიში გახდა მოსახლეობის ყოველდღიური ყოფა-ცხოვრება, ისინიც კი გახდნენ ოკუპაციის მძევლები.

პოლიტიკური პარტია ,,ლელო საქართველოსთვის” მოუწოდებს საქართველოს ხელისუფლებას, შეცვალოს არგაღიზიანების დანაშაულებრივი პოლიტიკა რუსეთის ფედერაციის მიმართ, რომელსაც მხოლოდ ზიანი მოაქვს საქართველოს ეროვნული ინტერესებისთვის ტერიტორიული მთლიანობის და დეოკუპაციის მიმართულებით“, - განაცხადა გალდავამ.

ცნობისთვის, ოკუპირებული ცხინვალის ე.წ. უზენაესმა სასამართლომ საქართველოს მოქალაქეს, კასპის მუნიციპალიტეტის სოფელ ქვემო ჭალაში მცხოვრებ ზაზა გახელაძეს 12 წლით და 6 თვით თავისუფლების აღკვეთა მიუსაჯა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა