გოგი  მეშველიანი ბოლნისის მუნიციპალიტეტში სკოლების რეაბილიტაციის პროცესს  გაეცნო

პარლამენტის წევრი, N14 საარჩევნო ოლქის ბოლნისის, დმანისის, თეთრიწყაროსა და წალკის მჟორიტარი დეპუტატი, გოგი მეშველიანი ბოლნისის მუნიციპალიტეტში სკოლების რეაბილიტაციის პროცესს ადგილზე გაეცნო. ამის შესახებ ინფორმაციას საქართველოს პარლამენტი ავრცელებს.

მათივე ცნობით, მუნიციპალური განვითარების ფონდის დაფინანსებით, ქალაქ ბოლნისის N1 და სოფელ ქვეშის საჯარო სკოლებს სრული რეაბილიტაცია უტარდება.

„დღეს, მოვინახულეთ ბოლნისის N 1 და სოფელ ქვეშის საჯარო სკოლების რეაბილიტაციის პროცესი. ორივე სკოლის სამშენებლო სამუშაოები დაახლოებით 6 მილიონი ლარის ღირებულებისაა. განსაკუთრებით მნიშვნელოვანია ის, რომ პანდემიის მიუხედავად, მუშა პროცესი ერთი დღითაც არ შეჩერებულა და სამუშაოები აქტიურ ფაზაშია. ჩემთვის განსაკუთრებით სასიხარულოა ის ფაქტი, რომ სკოლა რომელიც მე დავამთავრე და სადაც 11 წლის განმავლობაში ვსწავლობდი მომავალ სასწავლო წელს უკვე სრულად რეაბილიტირებულ და კომფორტულ გარემმოში მიიღებს მოსწავლეებს. მიმაჩნია, რომ ეს გარემო იქნება ერთ-ერთი მნიშვნელოვანი წინაპირობა, ჩვენმა ბავშვებმა წარმატებით ისწავლონ" , - განაცხადა გოგი მეშველიანმა.

პროექტის ფარგლებში საკლასო ოთახები, ლაბორატორიები, სააქტო დარბაზები, სპორტული მოედნები, სველი წერტილები და სხვა საჭირო ინფრასტრუქტურა მოეწყობა, რათა ზოგად საგანმანათლებლო დაწესებულებამ უპასუხოს თანამედროვე სკოლის სტანდარტებს.

“ქალაქ ბოლნისში, 4 631 333 ლარის ღირებულების სამუშაოებს ტენდერში გამარჯვებული კომპანია „გრუსია" ახორციელებს, ხოლო ქვეშის სკოლის რეაბილიტაციის პროცეს კომპანია „აქსონი" ასრულებს და სამუშაოების ღირებულება 1 479 521 ლარს შეადგენს. სამშენებლო სამუშაოები გასული წლის ნოემბრის ბოლოს დაიწყო და ობიექტების კეთილმოწყობა წლის ბოლომდე დასრულდება”, - ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი