ქუთაისში, დევნილებისთვის მშენებარე კორპუსზე დასაქმებულებმა აქცია გამართეს. აქციის მონაწილეები კომპანიის მხრიდან გაფრთხილების გარეშე სამსახურიდან გათავისუფლებას აპროტესტებენ.

მათი თქმით, დამსაქმებელმა მიზეზი არ განუმარტა, თუმცა ვარაუდობენ, რომ შემცირება მათ პროტესტს უკავშირდება.

მათი თქმით, თვეების განმავლობაში არაადამიანურ პირობებში მუშაობდნენ, არ ჰქონდათ დასვენების დღეები და ზეგანაკვეთური სამუშაოს გამო ანაზღაურებასაც არ იღებდნენ.

კორპუსებს კომპანია "კრეატივი" აშენებს, მათ გათავისუფლებულების ბრალდებებს არ უპასუხეს.