გორში ორი მსუბუქი ავტომანქანის შეჯახების შედეგად ერთი ადამიანი დაშავდა

გორში მომხდარი ავტოსაგზაო შემთხვევის შედეგად ერთი ადამიანი დაშავდა. დაშავებული სასწრაფო დახმარების ჯგუფმა კლინიკა "გორმედში" გადაიყვანა. ექიმების განცხადებით, პაციენტს, რომელიც კლინიკაში გულმკერდისა და მუცლის ტრავმით შეიყვანეს, გამოკვლევები უტარდება.

ავტოსაგზაო შემთხვევა გორში, შინდისის გმირების ქუჩაზე მოხდა. ერთმანეთს ორი მსუბუქი ავტომანქანა შეეჯახა. ერთ-ერთი ავტომანქანის დაზიანების ხარისხიდან გამომდინარე, სატრანსპორტო საშუალებიდან მძღოლის გადმოყვანა საგანგებო სიტუაციების მართვის სამსახურის თანამშრომლების დახმარებით მოხერხდა. შემთხვევის ადგილზე დაღვრილი საწვავის გამო, არსებობდა აალების საფრთხე, რის გამოც მაშველებს სპეციალური ხელსაწყოების გარეშე, ხელით მუშაობა მოუხდათ.

ადგილზე მობილიზებულია სახანძრო-სამაშველო სამსახური და პოლიცია. მომხდარ ფაქტზე გამოძიება სსკ-ის 276 მუხლის მე-2 ნაწილით მიმდინარეობს.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს