აჭარის მთავრობის სახლთან, სადაც ოპოზიციის ახალგაზრდული ორგანიზაციების წევრები აქცია-პერფორმანს მართავდნენ, სამართალდამცავებმა რამდენიმე პირი დააკავეს.

როგორც "ლელოს" აჭარის ორგანიზაციის ხელმძღვანელი ირაკლი კუპრაძე აცხადებს, აქციის მონაწილეები აჭარის მთავრობის სახლთან მოწყობილი "თავისუფლების კვარტალს" მიღმა გასვლის გამო დააკავეს. მისივე ინფორმაციით, დაკავებულთა შორის არის ფირუზ წულუკიძე, რომელიც აჭარის მთავრობის წინააღმდეგ არაერთ აქციას ხელმძღვანელობდა.

ცნობისთვის, აჭარის მთავრობის სახლთან ოპოზიციური პარტიების ახალგაზრდული ორგანიზაციების წევრები აქცია-პერფორმანს მართავდნენ. მათი განცხადებით, პანდემიის გამო სამუშაო ადგილები დაკარგეს და დაწესებული „კომენდანტის საათის“ გაუქმებას ითხოვდნენ.