“დედაენის ბაღში” ხმაურია. დაპირისპირება “დაუმორჩილებლობის მარშის” მონაწილეებსა და პოლიციელებს შორის მას შემდეგ დაიწყო, რაც აქციის ერთ-ერთი მონაწილე პოლიციამ დააჯარიმა. დაჯარიმებული პირის განცხადებით, ის აფთიაქში გავიდა, რის შემდეგაც პოლიციამ დააჯარიმა.

შეგახსენებთ, რომ აქციის მონაწილეებმა მსვლელობა დღეს, 21:00 საათზე, რუსთაველის გამზირიდან ელბაქიძის ხიდის გავლით დაიწყეს და “დედაენის ბაღთან” დაასრულეს. ისინი აპროტესტებენ 21:00 საათის შემდეგ გადაადგილების შეზღუდვისთვის დაწესებულ რეგულაციას და მის მოხსნას მოითხოვენ.