ბათუმში, გვიან ღამით, მოქალაქეებსა და სამართალდამცავებს შორის დაპირისპირების შედეგად, დაკავებული 11 პირიდან 2 ხელწერილის საფუძველზე გაათავისუფლეს.
გათავისუფლებულთა შორის არასამთავრობო ორგანიზაცია "ალტერნატივას" ხელმძღვანელი ხათუნა ბერიძეა.
ამასთან, ღამის საათებში გადაადგილებაზე დაწესებული რეგულაციების დარღვევის გამო, 11-ვე პირი დააჯარიმეს.
შეგახსენებთ, ბათუმში, გმირთა ხეივანში ხმაური იყო. ერთმანეთს მოქალაქეები და სამართალდამცავები დაუპირისპირდნენ. ისინი გმირთა ხეივანში მსვლელობას აწყობდნენ და ე.წ.“კომენდანტის საათის” დაწესებას აპროტესტებდნენ. დაპირისპირებისას სამართალდამცავებმა 11 პირი დააკავეს. მათ გამოძიება პოლიციელისადმი კანონიერი მოთხოვნის დაუმორჩილებლობას ედავება.