დევნილთა, ეკომიგრანტთა და საარსებო წყაროებით უზრუნველყოფის სააგენტოს მოქალაქეთა მისაღები ცენტრი მუშაობას, ჯანდაცვის სამინისტროს რეგულაციების სრული დაცვით, 8 თებერვლიდან განაახლებს.
როგორც "ინტერპრესნიუსს" დევნილთა, ეკომიგრანტთა და საარსებო წყაროებით უზრუნველყოფის სააგენტოდან აცნობეს, მუშაობას განაახლებენ სააგენტოს ტერიტორიული სამმართველოების მისაღები ცენტრებიც რუსთავში, გორში, ქუთაისსა და ზუგდიდში.
"სამუშაო დრო ორშაბათიდან პარასკევის ჩათვლით, 09:00-დან 18:00 საათამდე. დევნილთა, ეკომიგრანტთა და საარსებო წყაროებით უზრუნველყოფის სააგენტოს მისაღები ცენტრი – ქ. თბილისი, თამარაშვილის ქუჩა N15ა.
სააგენტოს ტერიტორიული სამმართველოებია:
ქ. გორი, სამების ქუჩა N1;
ქ. რუსთავი, ცურტაველის ქ. N5ა;
ქ. ქუთაისი, ი. აბაშიძის გამზ. N27;
ქ. ზუგდიდი, დ. აღმაშენებლის ქ. N106", - აღნიშნულია გავრცელებულ ინფორმაციაში.