საარჩევნო რეფორმაზე შექმნილი ჯგუფი საარჩევნო კომისიების ახალი წესით დაკომპლექტებაზე მუშაობს, აქედან გამომდინარე, უფლებამოსილება ყველას შეუწყდება და თავიდან დაკომპლექტდება, - ასე უპასუხა ორგანიზაცია "საერთაშორისო გამჭვირვალობა - საქართველოს" წარმომადგენელმა ლევან ნატროშვილმა კითხვას, დაგეგმილი საარჩევნო რეფორმა გამოიწვევს თუ არა ცესკო-ს მოქმედი თავმჯდომარის შეცვლას.

“იდეა ეს არის. სხვა შემთხვევაში, რა აზრი აქვს საარჩევნო ცვლილებებს, თუკი ადგილობრივ არჩევნებს ახალი სისტემით არჩეული კომისია არ ჩაატარებს და ჩაატარებს ისევ ძველი კომისია, რომლის მიმართაც არსებობს კითხვები და პრობლემა ნდობის კუთხით. სისტემა იცვლება იმისთვის, რომ შემდგომი არჩევნები ახალმა საარჩევნო კომისიამ ჩაატაროს", - განაცხადა ნატროშვილმა.