BBC - ჰაკერმა აშშ-ში წყლის სისტემაში შეღწევა მოახერხა და წყალში სახიფათო რაოდენობის ქიმიკატის შერევა სცადა

კომპიუტერულმა ჰაკერმა ფლორიდის ქალაქ ოლდმარში მდებარე წყლის სისტემაში დისტანციურად შეღწევა შეძლო და ქიმიური ნივთიერების "სახიფათო" ოდენობით შერევას შეეცადა.

BBC-ის ინფორმაციით, ჰაკერმა ოლდსმარის წყლის გაწმენდის სისტემაში ნატრიუმის ჰიდროქსიდის გადაჭარბებული რაოდენობის გარევა დაიწყო, თუმცა, ორგანიზაციის ოპერატორმა ქმედება დააფიქსირა და ნატრიუმის ჰიდროქსიდის დონე შეამცირა.

ქალაქის მერმა განაცხადა, რომ ქმედება „ცუდმა აქტორმა“ ჩაიდინა. ინციდენტთან დაკავშირებით ჯერჯერობით არავინ დაუკავებიათ, ასევე არ ვრცელდება ინფორმაცია, თავდასხმა ქვეყნის შიგნიდან განხორციელდა თუ მის ფარგლებს გარედან.

ოლდმარის წყლის სისტემიდან წყალი სხვადასხვა ბიზნეს ობიექტებსა და დაახლოებით 15 000 მოსახლეს მიეწოდება.

ნატრიუმის ჰიდროქსიდის მცირე რაოდენობას მჟავიანობის გასაკონტროლებლად იყენებენ, თუმცა გადაჭარბებულმა რაოდენობამ შეიძლება კანისა და თვალების გაღიზიანება და თმის ცვენაც კი გამოიწვიოს. ამასთან, მისმა გადაყლაპვამ შეიძლება გამოიწვიოს პირის ღრუს, ყელისა და კუჭის დაზიანება, ღებინება და დიარეა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო