ქუთაისის მერიასთან ხმაური იყო. მერიის შენობასთან გარემოვაჭრეებმა აქცია გამართეს და მერთან შეხვედრა მოითხოვეს.
აქციის მონაწილეების განცხადებით, მერიის ზედამხედველობის სამსახურმა მათ ყვავილებით ვაჭრობა აუკრძალა. მათი თქმით, ისინი ბაზრის ტერიტორიაზე ვერ შედიან, რადგან მინდვრის ყვავილებს ყიდიან და ვერ შეძლებენ გადასახადის გადახდას. ისინი მერიას დახმარებას სთხოვენ. მათი თქმით, აპირებენ გარევაჭრობის გაგრძელებას და თუ მათ მერია ხელს შეუშლის, პროტესტს გააგრძელებენ.