ჯანმო-ს ექსპერტები - ჯგუფმა ვერ იპოვა მტკიცებულება, რომ უხანში ან სხვაგან კოვიდ 19-თან დაკავშირებული დიდი ეპიდაფეთქება 2019 წლის დეკემბრამდე არსებობდა

ჯანდაცვის მსოფლიო ორგანიზაციის ექსპერტთა ჯგუფმა ვერ იპოვა მტკიცებულება, რომ უხანში ან სხვაგან კოვიდ 19-თან დაკავშირებული დიდი ეპიდაფეთქება 2019 წლის დეკემბრამდე არსებობდა, - ამის შესახებ ჯანდაცვის მსოფლიო ორგანიზაციის ექსპერტთა ჯგუფის ერთ-ერთმა წევრმა პიტერ ბენ ემბარკმა პრესკონფერენციაზე განაცხადა.

მისივე თქმით, კორონავირუსის წარმოშობის წყაროს დასადგენად ჩატარებული სამუშაო ღამურებზე მიანიშნებს, თუმცა ნაკლებად სავარაუდოა, რომ ისინი უხანში ყოფილიყვნენ. ამასთან, ემბარეკის განმარტებით, „ნაკლებ სავარაუდოა“ ჰიპოთეზა იმის შესახებ, რომ ვირუსმა ლაბორატორიიდან გაჟონა და ამიტომ ამის დასადგენად დამატებითი კვლევის ჩატარების საჭიროება არ არსებობს.

ჯანდაცვის მსოფლიო ორგანიზაციის ექსპერტმა ასევე განაცხადა, რომ ჯერჯერობით კვლავ გაურკვეველია კორონავირუსის გავრცელების „ჰუანანის“ ბაზართან დაკავშირების საკითხიც.

„ვირუსი გავრცელებული იყო იმ ადამიანებში, რომლებიც ბაზარში მუშაობდნენ ან დეკემბრის განმავლობაში სტუმრობდნენ ბაზარს. თუმცა, გვაქვს ისეთი შემთხვევებიც, როდესაც ინფიცირებული ადამიანები ამ ბაზართან საერთოდ არ იყვნენ დაკავშირებული. ასე, რომ ამ კუთხით ჯერ კიდევ არ გვაქვს ნათელი სურათი,“- აღნიშნა ემბარკმა.

ცნობისათვის, კორონავირუსის წარმოშობის დასადგენად ჩინეთის ქალაქ უხანში რამდენიმე კვირის წინ ჩასულმა ექსპერტებმა დღეს პირველი პრესკონფერენცია გამართეს და განაცხადეს, რომ მათ მიერ ჩატარებულმა მოკვლევამ ახალი ინფორმაციის მოძიება შესაძლებელი გახადა, მაგრამ კოვიდ 19-ის ეპიდაფეთქების სურათი მკვეთრად არ შეუცვლია.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს