ზუგდიდში საპროტესტო მსვლელობა იმართება. აქციის მონაწილეების მოთხოვნაა მოიხსნას კორონავირუსთან დაკავშირებით დაწესებული შეზღუდვები.
მოძრაობა „საქართველოსთვის“ ორგანიზაციის წარმომადგენლის განცხადებით, ისინი „ხელისუფლების მიერ ტერორისტულ რეჟიმად ჩამოყალიბებასაც“ აპროტესტებენ.
„ჩვენ მოვედით „ქართული ოცნების“ ოფისთან, ზუსტად აქედან იმართება ტერიორიზმი, ზუსტად აქ იბადება ძალადობრივი რეჟიმის ქმედებები. მოვედით გასაპროტესტებლად“, - განაცხადა აქციის მონაწილემ.
აქციის მონაწილეებს ადგილზე მიტანილი აქვთ "საქართველოს ბანკზე" თავდამსხმელის, ბადრი ესებუას ფოტოებიც, რაც, მათივე განცხადებით, მინიშნებაა იმის, რომ ხელისუფლების მთავარი მიზანი დამნაშავეების დასჯა უნდა იყოს.
ადგილზე მობილიზებულია საპატრულო პოლიციის ეკიპაჟები.