ბათუმის საქალაქო სასამართლოსთან, სადაც უკრაინის ორი მოქალაქის და მიხეილ სააკაშვილის დაცვის ყოფილი წევრის პროცესი უნდა გაიმართოს, საპროტესტო აქცია მიმდინარეობს

ბათუმის საქალაქო სასამართლოსთან, უკრაინის ორი მოქალაქის და მიხეილ სააკაშვილის დაცვის ყოფილი წევრის სასამართლო პროცესთან დაკავშირებით, საპროტესტო აქცია მიმდინარეობს. აქციაზე “ერთიანი ნაციონალური მოძრაობის" წევრები იმყოფებიან.

სასამართლოში საზღვრის უკანონო დარღვევის ბრალდებით დაკავებული უკრაინის ორი მოქალაქის: ვოლოდიმორ დიაჩენკოსა, იური ხომიჩის და საქართველოს მესამე პრეზიდენტის მიხეილ სააკაშვილის დაცვის ყოფილი წევრის, მიხეილ ბატურინის პროცესი გაიმართება.

აქციის მონაწილეები დაკავებულებს სოლიდარობას უცხადებენ და ამბობენ, რომ ისინი ქართული ხელისუფლების მძევლები არიან.

“აღნიშნული პირები უკანონოდ არიან დაკავებულები. ისინი დროულად უნდა გათავისუფლდნენ. ხელისუფლებას ეგონა, რომ დაკავებულებს მიხელ სააკაშვილი შემოჰყავდა, რაც აბსურდია",- აცხადებენ აქციის მონაწილეები.

ბრალდებულები გასული წლის დეკემბერში, საქართველოს ტერიტორიულ წყლებში დააკავეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა