ბუკნარის ცენტრი რეკრეაციული ზონის ფუნქციას შეიძენს

ქობულეთის მუნიციპალიტეტის სოფელ ბუკნარში მალე მნიშვნელოვანი ინფრასტრუქტურული პროექტი განხორციელდება.

აჭარის უმაღლესი საბჭოს ინფორმაციით, სოფლის ცენტრის კეთილმოწყობის პროექტი, რომელიც ტერიტორიის არა მხოლოდ მოწესრიგებას, დეკორატიული ფილების დაგებას, განათების ახალი სისტემების მონტაჟს, არამედ მწვანე ზოლის, ტრენაჟორებისა და ფანჩატურების მოწყობას ითვალისწინებს, უკვე შესყიდულია.

უახლოეს მომავალში ტენდერი გამოცხადდება სამუშაოებზეც.

შესაბამისი ინფორმაცია ბუკნარელებს აჭარის უმაღლესი საბჭოს წევრებმა ცოტნე ანანიძემ, ფატი ხალვაშმა და მუნიციპალიტეტის მერმა მირიან ქათამაძემ მიაწოდეს.

ადგილობრივებთან გამართულ შეხვედრაზე ხელისუფლების წარმომადგენლებმა მოისმინეს მოსახლეობის საჭიროებები, ასევე მათი ხედვები დასახლების განვითარებასა და კეთილმოწყობასთან დაკავშირებით.

„სასოფლო ცენტრების კეთილმოწყობის პროექტი მუნიციპალიტეტის მერიამ ტურისტულად აქტიურ ტერიტორიებზე, მეტი ვიზიტორის მოზიდვის მიზნით, 2018 წლიდან დაიწყო და დღესაც მიმდინარეობს. სამომავლოდ ქობულეთში რამდენიმე ადმინისტრაციული ცენტრის მოწყობა იგეგმება", - აღნიშნულია ინფორმაციაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის