მიხეილ სარჯველაძე - ნიკა მელია ცდილობს, მის მიმართ ისეთი ღონისძიებები განხორციელდეს, რომელიც მას ჰეროიზმის მანტიით შემოსავს

აშკარაა მცდელობა, რომ ნიკა მელიას მხრიდან მოხდეს პროვოცირება მის მიმართ ისეთი ღონისძიებების განხორციელების, რომელიც მისი გათვლებით, მას ჰეროიზმის მანტიით შემოსავს, - ამის შესახებ ადამიანის უფლებების დაცვის კომიტეტის თავმჯდომარე მიხეილ სარჯველაძემ ჟურნალისტებთან განაცხადა, რითაც ნიკა მელიას განცხადებას გამოეხმაურა.

მისი თქმით, ნიკა მელიას გათვლა სწორი არ არის და „ეს არ იქნება ისეთი ტრიუკი, რომლის მეშვეობითაც შესაძლებელი იქნება ვინმეს თვალში ნაცრის შეყრა“.

„ამ ვადაში თავად ნიკანორ მელიას ეკუთვნოდა გადაწყვეტილება იმის თაობაზე, თუ როგორი ღონისძიება იქნებოდა მის მიმართ გამოყენებული. შესაბამისად, მისი გადაწყვეტილების მიხედვით მოხდება შემდგომი გადაწყვეტილებების მიღება როგორც პროკურატურის, ასევე, პარლამენტის მხრიდან. რასაკვირველია, აქ განსაკუთრებით მნიშვნელოვანია გავითვალისწინოთ, რომ არავის ამ ქვეყანაში არ აქვს უფლება საკუთარ თავს მისცეს უფლება, უფრო მაღლა დააყენოს თავი, ვიდრე დგას საქართველოს სამართალი და საქართველოს სახელმწიფო. შესაბამისად, ეს არგუმენტი ვფიქრობ, მხედველობაში იქნება მიღებული, როცა ამ საკითხის ირგვლივ მოგვიწევს დისკუსია და გადაწყვეტილების მიღება.

აშკარაა მცდელობა, რომ ნიკა მელიას მხრიდან მოხდეს პროვოცირება მის მიმართ ისეთი ღონისძიებების განხორციელებისა, რომელიც მისი გათვლებით, მას ერთგვარად ჰეროიზმის მანტიით შემოსავს, ეს არ არის სწორი გათვლა და იმდენად აშკარაა და შეუიარაღებელი თვალით ჩანს, რომ ეს არის წმინდა წყლის პროვოცირება მიმართული საქართველოს სახელმწიფოს და სამართლის წინააღმდეგ, რომ ეს არ იქნება ისეთი ტრიუკი, რომლის მეშვეობითაც შესაძლებელი იქნება ვინმეს თვალში ნაცრის შეყრა,“ - განაცხადა სარჯველაძემ.

ცნობისათვის, ნიკა მელიამ გუშინ გამართულ ბრიფინგზე კიდევ ერთხელ განაცხადა, რომ არ გადაიხდის გირაოს თანხას. მან ასევე "საქართველოს ბანკს" მიმართა, თუკი მოხდება შესაბამის ანგარიშზე მის სასარგებლოდ გირაოს გადახდა, ეს იქნება მისი უფლებების შელახვა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი