თუკი ადამიანი რომელიმე აღმკვეთის პირობებს არ ასრულებს, მას უმძიმდება აღკვეთის ღონისძიება - ეს ხდება საქართველოში და მთელ მსოფლიოში, - ამის შესახებ ჟურნალისტებს ფრაქცია "ქართული ოცნების" თავმჯდომარემ მამუკა მდინარაძემ განუცხადა.
მისივე თქმით, "თუ მელიას უნდა, თან გირაო არ გადაიხადოს, თან სახელმწიფოს დაკნინება სცადოს და თან მიშას ჭკუაზე იაროს და არა კანონის, ასეთ შემთხვევაში, გადაწყვეტილება ადეკვატური უნდა იყოს.
ფრაქცია "ქართული ოცნების" თავმჯდომარე იმასაც ამბობს, რომ საზოგადოება ორ პოლიტიკურ აბსტრაქციას ხედავს. "პირველის მიხედვით, მელიამ წარმოადგინა მოსაზრება, თითქოს, "ქართული ოცნება" გაგიჟებულია და ცდილობს, გირაო გადაუხადოს ფარული გზით. მეორე პოლიტიკური აბსტრაქცია ისაა, რომ მის მიმართ პოლიტიკური დევნაა. უნდა ჩამოყალიბდეს, რადგან ეს ორი რამ ერთმანეთთან არათავსებადია", - განაცხადა მამუკა მდინარაძემ.