ქობულეთში გარდაცვლილი 14 წლის გოგოს დედის განცხადებით, გაუპატიურების ფაქტის გაგების შემდეგ არასრულწლოვანს ბიძები ფიზიკურად გაუსწორდნენ

ქობულეთის სოფელ ქაქუთში გარდაცვლილი 14 წლის გოგონას დედა აცხადებს, რომ 23 წლის მამაკაცმა არასრულწლოვანი პირველად ზაფხულში გააუპატიურა, თუმცა, ძალადობის შესახებ ოჯახის წევრებმა დეკებერში გაიგეს, როდესაც ძალადობა მეორედ მოხდა.

გარდაცვლილის დედა თურქეთში სამუშაოდ იმყოფებოდა და საქართველოში შვილის გარდაცვალების შემდეგ დაბრუნდა. როგორც ის აცხადებს, არასრულწლოვანზე მეორედ ძალადობის შემდეგ შეატყობინეს პოლიციას.

“მისი დედ-მამა ტყუილად აფარებს ხელს.

სანამ ბავშვი დაიღუპებოდა, წინა დღით მელაპარაკა, ვამზადებდი საბუთებს, რომ თურქეთში წამეყვანა, ბედნიერი იყო ბავშვი, შენთან წამოვალ და ერთად ვიქნებითო, უხაროდა, მაგრამ მეორე დღეს რა მოხდა, ეს რატომ გააკეთა, არ ვიცი", - ამბობს გარდაცვლილი გოგონას დედა.

ამასთან, გოგონას დედა გამოეხმაურა მეზობლების მიერ გავრცელებულ ინფორმაციას, რომ მას შემდეგ, რაც ოჯახში ძალადობის შესახებ გაიგეს, არასრულწლოვანს სახლში სცემდნენ.

როგორც გარდაცვლილი გოგონას დედა აცხადებს, ბაბუას შვილიშვილი არასდროს უცემია, “მაგრამ სანამ პოლიციაში წაიყვანეს, უმოწყალოდ სცემეს საკუთარმა ბიძებმა”.

“ექსპერტიზას უთქვამს, ზურგი, ფეხები, სულ ყველაფერი დაშავებული ჰქონდა ბავშვს ცემისგან. მერე წაიყვანეს პოლიციაში და მანქანაში ემუქრებოდნენ თურმე ნათესავები, არაფერი თქვა ჩვენზე, თორემ მოგკლავთო. ეს ყველაფერი მე ბავშვმა მომიყვა თვითონ", - ამბობს “ტვ 25”-თან საუბარში გარდაცვლილი 14 წლის გოგონას დედა.

ცნობისთვის, გოგონას გარდაცვალების შემდეგ, შსს-მ ინფორმაცია გაავრცელა, რომლის თანახმად, პოლიციამ ქობულეთში 16 წლის ასაკს მიუღწევლის სხეულში სექსუალური ხასიათის შეღწევის ბრალდებით, 1997 წელს დაბადებული მამაკაცი დააკავა.

იხილეთ ვიდეო:"უმოწყალოდ სცემეს ბიძებმა, წიხლქვეშ აგორეს, რატომ გააკეთე ასეთი რამე, გაგვაპაზორეო" - რას ჰყვება ქობულეთში გარდაცვლილი 14 წლის გოგონას დედა?

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს