73 წლის მარტოხელა მოხუცი ცხოვრებას მცხეთის თავშესაფარში გააგრძელებს. სევერიან შოთაშვილი გორის მუნიციპალიტეტის მერიისა და სოციალური სააგენტოს შუამდგომლობით, მცხეთის მოხუცთა თავშესაფარშია გადაყვანილი”, - ამის შესახებ ინფორმაციას გორის მუნიციპალიტეტის მერია ავრცელებს.
მათივე ინფორმაციით, მოხუცს, ავტოსაგზაო შემთხვევის შემდეგ, ჯანმრთელობის პრობლემები აწუხებდა და ის სამედიცინო დაწესებულებაში გადიოდა მკურნალობას. მისი მდგომარეობის გაუმჯობესების შემდეგ კი თავშესაფარში გადაიყვანეს.
„სევერიან შოთაშვილი ბოლო რამდენიმე თვეა გორში, კვერნაკის დასახლებაში, ყოფილი სისხლის გადასხმის შენობის დარაჯის ოთახში, ყველანაირი საყოფაცხოვრებო პირობების გარეშე ცხოვრობდა. მანამდე ის თავს მეგობრის სახლში აფარებდა. მას შემდეგ, რაც მერიის მიერ მოხდა ამ ადამიანის შესახებ ინფორმირება, მერია დაეხმარა მას დოკუმენტაციის მოწესრიგებაში და თავშესაფრის მოძიებაში. მცხეთაში წაყვანამდე მარტოხელა მოხუცი გორის მუნიციპალიტეტის მერის მოადგილემ პაატა ივანიშვილმა და ჯანდაცვისა და სოციალური სამსახურის უფროსმა დავით ჩიხრაძემ კიდევ ერთხელ მოინახულეს”,- აღნიშნულია გავრცელებულ ინფორმაციაში.
როგორც მერიის ჯანდაცვისა და სოციალური სამსახურის უფროსმა დავით ჩიხრაძემ აღნიშნა, სევერიან შოთაშვილს მოწესრიგებული საცხოვრებელი პირობები ექნება და თავშესაფარი იზრუნებს მის მოვლა - პატრონობაზე.
„გორის მუნიციპალიტეტის მერია მაქსიმალურად ცდილობს დაეხმაროს და გაუუმჯობესოს ყოფა - ცხოვრება ასეთ ადამიანებს. მიხარია, რომ სევერიანის ჯანმრთელობის მდგომარეობა გაუმჯობესდა და თავს ბევრად უკეთესად გრძნობს”,- აღნიშნა დავით ჩიხრაძემ.