ბათუმის ბულვარში საპროტესტო აქცია მიმდინარეობს. აქციის მონაწილეები 16 - სართულიანი კორპუსის აშენებას აპროტესტებენ და სამართლებრივი დავის დაწყებას აანონსებენ.

როგორც აქციის მონაწილეებმა ჟურნალისტებთან განაცხადეს, აღნიშნულ ტერიტორიაზე 3 - სართულიანი გამაჯანსაღებელი კომპლექსის მშენებლობა იგეგმებოდა, თუმცა პროექტი შეიცვალა და მაღალსართულიან კორპუსს აშენებენ, რაც კულტურული მემკვიდრეობის ზონაში დაუშვებელია.

შემთხვევის ადგილზე მობილიზებული არიან სამართალდამცველი უწყების წარმომადგენლები.