დავით ბაქრაძე - საპარლამენტო არჩევნების შედეგები "ევროპული საქართველოსთვის" იყო ცუდი -  თანამედროვე პოლიტიკური ცხოვრების ნაწილია, როდესაც ლიდერი იღებს პასუხისმგებლობას პარტიის შედეგზე

ეს საპარლამენტო არჩევნების შედეგები "ევროპული საქართველოსთვის" იყო ცუდი. მიმაჩნია, თანამედროვე პოლიტიკური ცხოვრების ნაწილია, როდესაც ლიდერი იღებს პასუხისმგებლობას პარტიის შედეგზე, - ამის შესახებ “ევროპული საქართველოს” თავმჯდომარემ, დავით ბაქრაძემ განაცხადა, სადაც აღნიშნა, რომ პარტიის ყრილობაზე აღარ დააყენებს საკუთარ კანდიდატურას პარტიის თავმჯდომარის პოსტზე.

მისი თქმით, “ევროპულ საქართველოში" მისი 4 - წლიანი მოღვაწეობა ოყო წარმატებული და კარგი ამ პარტიისთვის.

“კიდევ მომავალი 4 წლით დარჩენა ცუდი იქნება იმიტომ, რომ ჩვენ უნდა მივეჩვიოთ სიტყვა "ევროპული" არ არის მხოლოდ პარტიის სახელი. ევროპულობა გულისხმობს შიდა კონკურენციას, მუდმივ განახლებას და მე მინდა ამის ნაწილი ვიყო. პირველი მიზეზი, რატომაც აღარ დავაყენებ ჩემს კანდიდატურას, არის სწორედ განახლების აუცილებლობა პარტიაში. მეორე მიზეზი უკავშირდება მიმდინარე პოლიტიკურ სიტუაციას. მიუხედავად იმისა, რომ ჩვენ სრულიად ლეგიტიმურად არ ვაღიარებთ არჩევნებს, ეს საპარლამენტო არჩევნების შედეგები "ევროპული საქართველოსთვის" იყო ცუდი. მიმაჩნია, თანამედროვე პოლიტიკური ცხოვრების ნაწილია, როდესაც ლიდერი იღებს პასუხისმგებლობას პარტიის შედეგზე",-განაცხადა ბაქრაძემ.

ამასთან, როგორც ბაქრაძემ განაცხადა, მისგან და გიგი უგულავასგან განსხვავებული აზრი აქვს გიგა ბოკერიას.

„განსხვავებული აზრი აქვს გიგა ბოკერიას და ეს შემიძლია დაგიდასტუროთ. გიგი უგულავას პოზიციაც არის, რომ გუნდმა მთლიანად უნდა აიღოს პასუხისმგებლობა და უნდა მოხდეს მთლიანად ახალი სახეებისთვის პოლიტიკური ასპარეზის დათმობა. გიგას საბოლოო გადაწყვეტილება მიღებული არ აქვს, თუმცა ის თავის გადაწყვეტილებას თვითონ გაახმოვანებს“, - განაცხადა ბაქრაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი