სამოქალაქო მოძრაობის  ,,გავიგუდეთ“ ორგანიზებით, რუსთავში აქცია გაიმართა

სამოქალაქო მოძრაობის ,,გავიგუდეთ“ ორგანიზებით, რუსთავში თავისუფლების მოედანზე, საპროტესტო აქცია გაიმართა. სამოქალაქო აქტივისტები აცხადებენ, რომ მათი მოთხოვნა უცვლელია, კერძოდ, პარლამენტმა “გარემოსდაცვითი პასუხისმგებლობის შესახებ” კანონპროექტი 4 მარტამდე დაამტკიცოს.

მოძრაობის "გავიგუდეთ" აქტივისტის ნიკოლოზ მუსერიძის განცხადებით, თუ 4 მარტამდე პარლამენტი მესამე მოსმენით არ დაამტკიცებს გარემოს დაცვითი პასუხისმგებლობის შესახებ კანონპროექტს, 7 მარტს ფართომასშტაბიან აქციას უკვე მთავრობის ადმინისტრაციასთან და პარლამენტთან მოაწყობენ, ასევე გადაკეტავენ რუსთავში საწარმოო ზონას.

მისივე თქმით, ქალაქში არსებული საწარმოები წლების განმავლობაში მნიშვნელოვნად აბინძურებენ გარემოს, ბიზნესის განვითარება მნიშვნელოვანია, მაგრამ ეს არ უნდა მოხდეს მოსახლეობის ჯანმრთელობის ფასად, 130 ათასი რუსთაველის ჯანმრთელობა კი სწორედ საკანონმდებლო ცვლილებებზეა დამოკიდებული.

,,გავიგუდეთ“ წევრებმა, გუშინ გამაფრთხილებელი აქცია პერფორმანსიც გამართეს, სლოგანით – “ბოლო გაფრთხილება ხელისუფლებას”.

დღევანდელი აქციის დასრულების შემდეგ კი საწარმოო ზონაში, სადაც მსხვილი ქარხნები მდებარეობს, ავტომობილებით საპროტესტო მსვლელობა მოაწყვეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის