„ქართული ოცნების“ ოფისში საპარლამენტო უმრავლესობის სხდომა მიმდინარეობს

"ქართული ოცნება - დემოკრატიული საქართველოს" ცენტრალურ ოფისში საპარლამენტო უმრავლესობის სხდომა მიმდინარეობს.

როგორც "ქართული ოცნების" კონსულტანტმა საზოგადოებასთან ურთიერთობის საკითებში ლაშა ნაცვლიშვილმა სხდომის დაწყებამდე ჟურნალისტებს განუცხადა, უმრავლესობის სხდომაზე ქვეყანაში მიმდინარე პრობლემურ ყველა საკითხზე იმსჯელებენ. მისივე ცნობით, უმრავლესობის სხდომას საქართველოს პრემიერ-მინისტრი გიორგი გახარიაც დაესწრება.

არსებული ინფორმაციით, უმრავლესობის წევრები ნიკა მელიას საქმეზეც იმსჯელებენ.

შეგახსენებთ, რომ საქართველოს გენერალურმა პროკურატურამ ნიკა მელიას მიმართ პატიმრობის გამოყენების შუამდგომლობასთან დაკავშირებული თანხმობის მისაღებად პარლამენტს მიმართა.