ხულოს მუნიციპალიტეტის სოფელ წაბლანაში სტიქიის შედეგად დაზარალებულმა მოსახლეობამ პროტესტის ნიშნად მსვლელობა მოაწყო და "სხალთა ჰესის" პიკეტირებას ცდილობენ.
როგორც შეკრებილები აცხადებენ, სახელმწიფომ სტიქიის შედეგად დაზარალებულ ოჯახებს სამი წლის წინ ბათუმში ბინები გადასცა, თუმცა პირობა დაარღვია. მათი ინფორმაციით, 220 ოჯახს დაუსრულებელი ბინა გადასცეს, რასაც წაბლანაში მცხოვრებლები აპროტესტებენ.
აქციის მონაწილეებმა განაცხადეს, რომ ისინი წლების განმავლობაში სახელმწიფოსგან მხარდაჭერას ითხოვდნენ, თუმცა უშედეგოდ. მათივე თქმით, პროტესტი გაგრძელდება.