ახალი ზელანდიის პრემიერ-მინისტრის ჯასინდა არდენის გადაწყვეტილებით, ქალაქ ოკლენდში 3-დღიანი "ლოქდაუნი" გამოცხადდა, რისი მიზეზიც კორონავირუსის 3 ახალი შემთხვევა გახდა.
აღსანიშნავია, რომ ახალ ზელანდიაში მსგავსი შემთხვევა იანვრის შემდეგ არ დაფიქსირებულა, ბოლო ექვს თვეში კი ეს პირველი შემთხვევაა, როდესაც კორონავირუსის გამო კარანტინი დააწესეს.
პრემიერ-მინისტრმა მოსახლეობას მოუწოდა გადაუდებელი საჭიროების გარდა საცხოვრებელი არ დატოვონ.
მედიის ინფორმაციით, ახალ ზელანდიაში მოსახლეობის ვაქცინაცია 20 თებერვლიდან დაიწყება. ქვეყანაში ვირუსის 2 300 შემთხვევა დაფიქსირდა, 25 ადამიანი კი გარდაიცვალა.
