ბათუმში ე.წ. „იაფი სახლის“ კორპუსში მოქალაქეები შეიჭრნენ და ფართების გადაცემას ითხოვენ

ბათუმში ე.წ იაფი სახლის კორპუსებში სხვადასხვა სოციალურად დაუცველი მოქალაქეები შეიჭრნენ და ფართების გადაცემას ითხოვენ.

როგორც ისინი აცხადებენ, ფინანსური პრობლემები შეექმნათ და საცხოვრებელში ქირის ფულს ვერ იხდიან. მათივე თქმით, წასასვლელი არსად აქვთ.

"არსად არ გვაქვს წასასვლელი. დაგვაკმაყოფილოს მთავრობამ საცხოვრებელი ფართებით. აქ ძირითადად ეკომიგრანტები ვართ. ვითხოვთ, ფართებს",- აცხადებენ შენობაში შეჭრილი მოქალაქეები.

შემთხვევის ადგილზე სამართალდამცავები, ბათუმის მერიის თანამშრომლები და აჭარის ჯანდაცვის მინისტრის მოადგილე რამაზ ჯინჭარაძე მივიდა.

რამაზ ჯინჭარაძის თქმით, თითოეულ ოჯახის საქმეს ინდივიდუალურად შეისწავლიან, თუმცა უკანონოდ შენობების დაკავება არ უნდა ხდებოდეს.

"უკანონო და ასეთი შეჭრები ერთხელ და სამუდამოდ უნდა დამთავრდეს. ვისაც სახელმწიფოსგან დახმარება ეკუთვნის, უყურადღებოდ არცერთი არ უნდა დარჩეს. აქ სოციალური კუთხით პრობლემა იყო, რომელსაც ამ სიტუაციაში ვერ მოვაგვარებთ, მაგრამ რაც შეეხება ამ შენობას, აქ გაჩერება არ შეიძლება, რადგან უკანონობაა. თითოეულ ოთახს თავისი ბენეფიციარი ჰყავს, რომელიც კანონის ფარგლებში უნდა შემოვიდეს და დაკმაყოფილდეს. „კომენდანტის საათი“ დაიწყო, თუმცა მათ საცხოვრებელ სახლებში, საიდანაც აქ მოვიდნენ უკან დავაბრუნებთ, მაგრამ ყველა ოჯახს ინდივიდუალურად ქალაქის მერიაში და ჯანდაცვის სამინისტროში შევისწავლით",- განაცხადა რამაზ ჯინჭარაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს