ბათუმში, ქალს მოტოციკლი დაეჯახა

ბათუმში შუა ხნის ქალს მოტოციკლი დაეჯახა, შემთხვევა ბაგრატიონის ქუჩაზე რამდენიმე წუთის წინ მოხდა.ადგილზე სასწრაფო-სამედიცინო დახმარების ბრიგადა მივიდა. დაშავებული ქალი კლინიკაშია გადაყვანილი. წინასწარი ინფორმაციით, ქალს სხეულზე სხვადასხვა სახის დაზიანება აქვს მიყენებული, მას სამედიცინო კვლევები უტარდება.

შემთხვევის ადგილზე სამართალდამცავები მივიდნენ, რომლებმაც მოტოციკლის მძღოლი გამოკითხვაზე გადაიყვანეს.

"შუახნის ქალი ბაგრატიონის ქუჩას კვეთდა, ამ დროს მოტოციკლი დაეჯახა. ეს ქალი დაშავდა და კლინიკაში გადაიყვანეს.სხვა არაფერი ვიცი",- აცხადებს თვითმხილველი.

ფაქტზე, შინაგან საქმეთა სამინისტრომ გამოძიება დაიწყო.