გაერთიანებულ სამეფოში დღეიდან ე.წ. მაღალის რისკის ქვეყნებიდან ჩასულ მოქალაქეებს სპეციალურ სასტუმროებში კარანტინის გავლა მოუწევთ.
ახალი პოლიტიკის თანახმად, რომლის მიზანი კორონავირუსის ახალი ვარიანტების გავრცელების შეჩერებაა, გაერთიანებული სამეფოს ყველა მოქალაქემ და მუდმივი ბინადრობის უფლების მქონე პირმა მსოფლიოს 33, „მაღალის რისკის“ ქვეყნიდან ჩასვლის შემდეგ სპეციალურად გამოყოფილ სასტუმროებში 10-დღიანი კარანტინი უნდა გაიაროს და კორონავირუსზე რამდენიმე ტესტი უნდა ჩაიტაროს.
სხვა ვიზიტორებს კი აღნიშნულ „წითელ სიაში“ შემავალი ქვეყნებიდან გაერთიანებულ სამეფოში ჩასვლა საერთოდ ეკრძალებათ.
იმ შემთხვევაში, თუ აღმოჩნდა, რომ მოქალაქემ ინფორმაცია დამალა და გაერთიანებულ სამეფოში ჩასვლამდე 10 დღით ადრე რომელიმე აღნიშნულ ქვეყანაში იმყოფებოდა, მას 10-დღიანი პატიმრობა ემუქრება.
მთავრობაში აცხადებენ, რომ ამ დროისთვის კონტრაქტი 16 სასტუმროსთან აქვთ გაფორმებული.
ე.წ. „წითელ სიაში“ შედიან სამხრეთ ამერიკის ქვეყნები, სამხრეთ აფრიკა და პორტუგალია.