რუსთავში ავტოსაგზაო შემთხვევის შედეგად მამაკაცი დაშავდა. შემთხვევა გვიან ღამით მოხდა.
წინასწარი ინფორმაციით, ნიკო ლომოურის ქუჩაზე მსუბუქი ავტომანქანის მძღოლი გადაჭარბებული სიჩქარით გადაადგილდებოდა, რესტორან “თამადასთან” ავტომობილი გზის სავალი ნაწილიდან გადავიდა, გარე განათების ბოძს შეეჯახა და ამოტრიალდა.
ადგილზე მობილიზებული იყო საპატრულო პოლიცია. დაშავებული სასწრაფო სამედიცინო დახმარების ბრიგადამ კლინიკა “რუსთავში” გადაიყვანა.