აჭარის მთავრობის სახლთან შეკრებილმა მოქალაქეებმა რუსთაველის ქუჩის გადაკეტვა სცადეს, რასაც სამართალდამცველებსა და აქციის მონაწილეებს შორის დაპირისპირება მოჰყვა.

მათ ქუჩის გადაკეტვის საშუალება პოლიციამ არ მისცა. არსებული ინფორმაციით, დაკავებულია ერთი პირი. ამ წუთებში ადგილზე სიმშვიდეა, აქციის მონაწილეები კვლავ აჭარის მთავრობის სახლთან დაბრუნდნენ.

ცნობისთვის, აჭარის მთავრობის სახლთან ორი საათის განმავლობაში ე.წ.ოცნების ქალაქში მცხოვრებლები, ასევე სხვადასხვა სოციალური პრობლემების მქონე მოქალაქეები საპროტესტო აქციას მართავენ და მთავრობის თავმჯდომარე თორნიკე რიჟვაძესთან შეხვედრას ითხოვენ.