აჭარის მთავრობის სახლთან ე.წ. ოცნების ქალაქის მცხოვრებლებმა და სხვადასხვა სოციალური პრობლემების მქონე მოქალაქეებმა საპროტესტო აქცია შეწყვიტეს
აჭარის მთავრობის სახლთან ე.წ. ოცნების ქალაქის მცხოვრებლებმა და სხვადასხვა სოციალური პრობლემების მქონე პირებმა საპროტესტო აქცია შეწყვიტეს.
როგორც მათ ჟურნალისტებს განუცხადეს, აჭარის მთავრობის თავმჯდომარე თორნიკე რიჟვაძეს ათდღიან ვადას აძლევენ, იმისათვის, რომ თითოეული მოქალაქის პრობლემა ინდივიდუალურად შეისწავლოს.
"ჩვენ აქედან იმიტომ მივდივართ, რომ 10 დღეში კვლავ დავბრუნდებით და ჩვენს მოთხოვნებზე ვისაუბრებთ. 1700 ოჯახი "ოცნების ქალაქში" დაკმაყოფილებას ითხოვს",- აცხადებენ აქციის მონაწილეები.
ცნობისთვის, აჭარის მთავრობის სახლთან შეკრებილმა მოქალაქეებმა რუსთაველის ქუჩის გადაკეტვა სცადეს, რასაც სამართალდამცველებსა და აქციის მონაწილეებს შორის დაპირისპირება მოჰყვა. მათ ქუჩის გადაკეტვის საშუალება პოლიციამ არ მისცა. არსებული ინფორმაციით, დაკავებულია ერთი პირი.
