პარლამენტთან სლოგანით „თავისუფლება პოლიტპატიმარ გიორგი რურუას" აქცია მიმდინარეობს

"თავისუფლება პოლიტპატიმარ გიორგი რურუას", - ამ სლოგანით საქართველოს პარლამენტის უკანა შესასვლელთან ორგანიზაციები - "დაიცავი საქართველო", "მონიტორინგის ცენტრი-საზოგადოება", "დაიცავი არჩევანი" აქციას მართავენ. ისინი 8 მარტის შეთანხმებას და "მთავარი არხის" ერთ-ერთი დამფუძნებლის, გიორგი რურუას გათავისუფლებას ითხოვენ.

აქციის მონაწილეები აცხადებენ, რომ გიორგი რურუა ციხეში უკანონოდ ზის. ამასთან პროტესტს გამოხატავენ პარლამენტში მიმდინარე მოვლენებისადმი, სადაც საქართველოს პარლამენტმა "ნაციონალური მოძრაობის" ლიდერის, ნიკა მელიას მიმართ სადეპუტატო მანდატის შეჩერების საკითხზე უნდა იმსჯელოს.

აქციაზე მივიდა "ნაციონალური მოძრაობის " წევრი თინა ბოკუჩავა. მისი თქმით, "პარლამენტი იქცევა პოლიტიკურ ლეშად, თუ კიდევ ერთხელ მხარს დაუჭერს ივანიშვილის დაკვეთით ნიკა მელიასთავის უფლებამოსილების მიხსნას".

"ყველას კარგად გვესმის, თუ ვინმე უნდა დასჯილიყო გავრილოვის საქმესთან დაკავშირებით, ეს არის ირაკლი კობახიძე, რომელიც გავრილოვი აქ ჩამოიყვანა და გიორგი გახარია, რომელმაც შემდეგ მიტინგი დაარბია. ამის ნაცვლად, ეს ადამიანიები უმაღლეს თანამდებობებს იკავებენ. დემოკრატიულ სახელმწიფოში ასე იქნებოდა,მაგრამ სამწუხაროდ ჩვენ ასეთში არ ვცხოვრობთ, ამიტომ დროულად უნდა მივაღწიოთ ვადამდელ არჩევნებს, გავისტუმროთ ივანიშვილი და მისი მონები", - განაცხადა ბოკუჩავამ.

ცნობისთვის, პარლამენტის შენობის უკანა შესავლელთან აქციას რამდენიმე სამოქალაქო მოძრაობა მართავს. ისინი "ნაციონალური მოძრაობის" ლიდერის ნიკა მელიასთვის სადეპუტატო იმუნიტეტის შეჩერებას აპროტესტებენ.

იხილეთ ვიდეო:პარლამენტთან სლოგანით „თავისუფლება პოლიტპატიმარ გიორგი რურუას" აქცია მიმდინარეობს

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს