ხელვაჩაურის მუნიციპალიტეტში მიკროავტობუსების მძღოლები საპროტესტო აქციას მართავენ. ისინი პანდემიის გამო დაწესებული რეგულაციების მოხსნას ითხოვენ.

მძღოლები ამბობენ, რომ ფინანსური პრობლემები აქვთ და უმუშევრად დარჩენილებს ბანკებში სესხზე პროცენტი გაეზარდათ. მათივე თქმით, სოფლებში მიკროავტობუსების გაჩერების გამო, ბავშვები სკოლებში ვერ დადიან.

„ბევრი სამარშრუტო ტაქსი გადის და მუშაობს და რაიონის მიკროავტობუსები გაჩერებულია. ყველას ბანკის ვალი და ათასი სხვა პრობლემა გვაქვს", - აცხადებს აქციის ერთ-ერთი მონაწილე.