ქობულეთში, სოფელ ქაქუთში 14 წლის გოგოს გარდაცვალების საქმესთან დაკავშირებით, ქობულეთის პოლიციაში გარდაცვლილი გოგოს ოჯახის წევრები და ახლობლები გამოკითხვაზე იმყოფებიან.

როგორც გარდაცვლილი ნინი ცეცხლაძის მამიდა, ციალა ცეცხლაძე აცხადებს, ბაბუა შვილიშვილზე არ ძალადობდა.

მისივე ინფორმაციით, 23 წლის ბიჭმა ნინი ცეცხლაძეზე სექსუალურად იძალადა, რასაც დაზარალებული ადასტურებდა.

ცნობისთვის, ქობულეთში 14 წლის გოგოს გარდაცვალების საქმეზე, ბაბუა დააკავეს. მას ბრალად ედება წინასწარი შეცნობით ოჯახის არასრულწლოვანი წევრის მიმართ ჩადენილი მუქარა და ძალადობა.

მანამდე კი, პოლიციამ 14 წლის გოგოსთან სექსუალური კავშირის დამყარების ბრალდებით 23 წლის მამაკაცი დააკავა. მოგვიანებით, პროკურატურამ დაკავებულს ბრალი თვითმკვლელობამდე მიყვანის ფაქტზეც წარუდგინა. დაკავებულს სასამართლომ აღკვეთის ღონისძიების სახით პატიმრობა შეუფარდა.