აჭარის მთავრობის სახლთან გუშინ გამართულ აქციაზე დაკავებულ პირს ბათუმის საქალაქო სასამართლომ 1000-ლარიანი გირაო შეუფარდა. მას გამოძება პოლიციელის კანონიერი მოთხოვნისადმი დაუმორჩილებლობასა და წვრილმან ხულიგნობას ედავებოდა. გადაწყვეტილება მოსამართლე ირმა ტოგონაძემ მიიღო.
ცნობისთვის, აჭარის მთავრობის სახლთან შეკრებილმა მოქალაქეებმა რუსთაველის ქუჩის გადაკეტვა სცადეს, რასაც სამართალდამცველებსა და აქციის მონაწილეებს შორის დაპირისპირება მოჰყვა. მათ ქუჩის გადაკეტვის საშუალება პოლიციამ არ მისცა. დაპირისპირებისას სამართალდამცავებმა აქციის ერთი მონაწილე დააკავეს.
აჭარის მთავრობის სახლთან ე.წ. ოცნების ქალაქის მცხოვრებლები და სხვადასხვა სოციალური პრობლემის მქონე მოქალაქეები მთავრობის თავმჯდომარესთან შეხვედრას ითხოვდნენ.