აკაკი ბობოხიძე - ნიკა მელიას დაიჭერენ ვაი, არ დაიჭერენ, ვუი - წინააღმდეგობას გავუწევთ, მაგრამ ომის დაწყებას არავინ აპირებს, ვერ ეღირსება „ქართული ოცნება“

„ევროპული საქართველოს“ ერთ-ერთი ლიდერის, აკაკი ბობოხიძის განცხადებით, ახლა „ქართული ოცნებისთვის“ ყველა სვლა წამგებიანია.

როგორც ბობოხიძემ „პალიტრანიუსის“ გადაცემა „რეზიუმეში“ განაცხადა, ის არ გამორიცხავს, რომ ნიკა მელია დააპატიმრონ.

ამასთან, ბობოხიძის თქმით, ოპოზიცია ეცდება, რომ მმართველი გუნდის მიერ დაშვებული შეცდომები ეფექტურად გამოიყენოს.

„არაფერი გამორიცხული არ არის „ქართული ოცნებისგან“, დაიჭერენ ვაი, არ დაიჭერენ - ვუი. არცერთი არ არის მომგებიანი. ჭადრაკში „ცუნგცვანგი“ ჰქვია მდგომარეობას, როცა ნებისმიერი სვლა წამგებიანია. ამ მდგომარეობაშია დღეს „ქართული ოცნება“, ყველა სვლა წამგებიანია. მე მელია დაპატიმრებისთვის მენანება, ოღონდ „ქართულ ოცნებას“ გზა მშვიდობისა ნებისმიერი შეცდომისკენ. ვეცდებით, რომ ყველა შეცდომა ჩვენ მიერ ეფექტურად იყოს გამოყენებული „ქართული ოცნების“ წინააღმდეგ, ყველა შეცდომა გვაწყობს „ქართული ოცნების“, ოღონდ გვეშინია იმის, რომ ეს შეცდომები მარტო „ქართულ ოცნებას“ კი არა, ქვეყანას აზიანებს. ეგ არის პრობლემა, თორემ მაგათი თავი წყალს და მეწყერს წაუღია“, - განაცხადა ბობოხიძემ.

როგორც ბობოხიძე აღნიშნავს, თუ მელიას დააკავებენ, ოპოზიცია წინააღმდეგობას გაუწევს, თუმცა „ომის დაწყებას არავინ არ აპირებს“.

„წინააღმდეგობას გავუწევთ. ნიკა მელია თავისით არ მივა, მოუწევთ მისი წაყვანა, ოღონდ როცა ფიზიკური წინააღმდეგობის გაწევაზეა, ომის დაწყებას არავინ არ აპირებს. ამას ვერ ეღირსება „ქართული ოცნება“, - განაცხადა ბობოხიძემ.

ცნობისთვის, პარლამენტმა "ერთიანი ნაციონალური მოძრაობის" თავმჯდომარის, ნიკა მელიას სადეპუტატო იმუნიტეტის შეჩერებას მხარი დაუჭირა. საქართველოს გენერალურმა პროკურატურამ თბილისის საქალაქო სასამართლოს ნიკა მელიას მიმართ შეფარდებული აღკვეთის ღონისძიების შეცვლის შუამდგომლობით უკვე მიმართა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს