აშშ-ში უამინდობას 20-ზე მეტი ადამიანის სიცოცხლე ემსხვერპლა

აშშ-ში ძლიერ ქარბუქსა და ყინვას სულ მცირე 21 ადამიანის სიცოცხლე ემსხვერპლა, მილიონობით ადამიანი კი ელექტროენერგიის გარეშე დარჩა, - ამის შესახებ ინფორმაციას Reuters-ი ავრცელებს.

სააგენტოს ცნობით, სტიქიის შედეგად მოქალაქეები დაიღუპნენ ტექსასის, ლუიზიანას, კენტუკისა და მისურის შტატებში.

აღსანიშნავია, რომ ტექსასის შტატში, დალას-ფორტ-უერთში, მინუს 17C ტემპერატურა დაფიქსირდა, რამაც 1903 წელს დაფიქსირებული რეკორდი (მინუს 11C) მოხსნა.

ტექსასის სამხრეთ ნაწილში ადგილობრივმა ხელისუფლების წარმომადგენლებმა მოსახლეობა გააფრთხილეს, სახლების გასათბობად გრილები და პროპანის გამათბობლები არ გამოიყენონ. ასეთი მოწყობილობების გამოყენების შემდეგ მხუთავი აირით მოწამლული რამდენიმე მოქალაქე საავადმყოფოებში მოხვდა.

აღსანიშნავია, რომ ქარბუქისა და უპრეცედენტო ყინვის გამო აშშ-ის დიდ ნაწილში ვაქცინაციის ცენტრების მუშაობა შეფერხდა.

ქვეყანაში უამინდობას კვირის ბოლომდე ელოდებიან.

თეთრი სახლის მიერ გავრცელებულ განცხადებაში აღნიშნულია, რომ აშშ-ის პრეზიდენტი ჯო ბაიდენი დაზარალებული შტატების გუბერნატორებს ნებისმიერი საგანგებო რესურსით დახმარებას დაჰპირდა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს