ლადო კახაძე - ლიბერალებს კომფორტული უსაფრთხოება აწყობთ, მაგრამ ჩვენ მოწოდებული ვართ და ექიმებმა უნდა ვთქვათ, რომ კომფორტი უნდა იყოს უსაფრთხო!

ლიბერალებს კომფორტული უსაფრთხოება აწყობთ, მაგრამ ჩვენ მოწოდებული ვართ და ექიმებმა უნდა ვთქვათ, რომ კომფორტი უნდა იყოს უსაფრთხო! - აღნიშნული განცხადება პარლამენტის ჯანდაცვის კომიტეტის თავმჯდომარის პირველმა მოადგილემ ლადო კახაძემ პარლამენტის პლენარულ სხდომაზე გააკეთა, სადაც ღია სივრცეში პირბადის ტარების წესის დარღვევასთან დაკავშირებული საკანონმდებლო ცვლილებები წარადგინა.

ლადო კახაძის თქმით, იმისათვის, რომ კოვიდ 19-თან ბრძოლაში ვაქცინაციასთან ერთად წარმატება იყოს მიღწეული და შესაძლებელი გახდეს ცხოვრების ნორმალურ რეჟიმში დაბრუნება, პირბადე მოსახლეობის არანაკლებ 95%-მა უნდა ატაროს. დეპუტატის თქმით, ახლა ეს მაჩვენებელი 75%-ია და აღნიშნული ციფრი დამაკმაყოფილებელი არ არის.

„იურიდიული პირები საკითხს ძალიან პასუხისმგებლიანად მოეკიდნენ, ძალიან დიდი სამუშაო გასწიეს ამ მიმართულებით. ყველანაირად მზად არიან, ერთი დაძახება და ბიზნესი გაიხსნას. ქვეყანა სწორედ აქეთკენ მიდის“, - განაცხადა ლადო კახაძემ.

პარლამენტმა პირველი მოსმენით, დაჩქარებული წესით, პარლამენტის წევრების დიმიტრი ხუნდაძის, ზაზა ლომინაძის, რამინა ბერაძის და ლადო კახაძის საკანონმდებლო ინიციატივა განიხილა, რომელიც ითვალისწინებს ადმინისტრაციულ პასუხისმგებლობას - ჯარიმას 20 ლარის ოდენობით, პანდემიის დროს ღია საჯარო სივრცეში პირბადის ტარების წესის დარღვევისათვის. ამასთანავე, კანონპროექტით დგინდება ადმინისტრაციული პასუხისმგებლობა (ჯარიმა 50 ლარის ოდენობით) პანდემიის ან/და ეპიდემიის დროს ღია ან დახურულ საჯარო სივრცეში და საზოგადოებრივი ტრანსპორტით ან ტაქსით (M1 კატეგორია) გადაადგილებისას პირბადის ტარების წესის განმეორებით დარღვევისათვის.

პროექტში მითითებულია, რომ პირბადის ტარების წესს (მათ შორის, ღია საჯარო სივრცეში და დახურულ საჯარო სივრცეში პირბადის ტარების წესს) მოსახლეობის ჯანმრთელობის დაცვის მიზნით ადგენს საქართველოს მთავრობა ან საქართველოს მთავრობის მიერ განსაზღვრული სამინისტრო.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა